時間: 出車既第9日
地點: 屋企樓下大斜路, 轉入單程路既路口.
人物: 新牌仔
受害者: Toyota Corolla 97 AE110

詳細口供:
當我做完 gym 返屋企果陣, 返到屋企樓下, 諗住泊車o既時候, 出事o勒......
我一手扭入單程路, 發現有對頭車. 咁我見佢就出到路口, 咁我梗係讓佢出先啦.
入後波, 等後上o既車走晒, 我咪放brake囉!(註: 事發現場係條大斜路) 好衰唔衰, 掛住睇後面d車, 冇睇到左鏡, 咁我既左後轆就括左落條柱度......
當時聽到"o勒"一聲,  我就"o殊"一聲, 好痛.......
好明顯"瀨"左野啦, 冇計架, 咪等對頭車走左, 泊好架車先睇傷勢囉!
落車一睇, 嘩~~~~!我頂丫~~~!!!!!!
左後轆上面個凸位全部花晒, 仲要一路去到車尾咁滯.................................

當時第一時間諗到一個字.
跟住諗到兩個字 -------------------- 我錯.
之後係三個字 -------------------------抵 x 死.

算啦~ 新牌仔係咁上下! 今次人冇事已經係不幸中之萬幸, 起碼下次會小心D.
不過真係好樣衰囉.....................................

嗚嗚~~~~我知錯勒.....................

以前細個, 一聽到老媽子話打邊爐就會好開心!

細個只係冬天先至會打邊爐, 又多野食, d 野食又熱辣辣, 成班人一齊爭下爭下, 好開心!

到大個d, 自己煮公仔面, 好鐘意煮到個面好"淋", 覺得好好食!

以前好易滿足, 好開心!

我明白點解人地話童年係最快樂架勒.

 

有得揀的話, 你想長大嗎?

你呀! 出街因住呀!

小心睇車呀!

 

因為我已經考到車牌勒!

好耐冇放過假o勒~ 好想放假...

我唔係想放1日半日, 係想放下長假.

畀我停一停! 諗一諗!

 

不過諗乜鬼丫~ 得閒都整返部PS2先啦, 壞左成世都未整,

唔係喎~PS3都就出o勒...整乜鬼丫, 執下部電腦仲好啦, 亂過鬼,

遲早都要換機啦, 執乜鬼, 係都執下屋先啦~ 污糟都死,

諗諗下, 執條命咩! 執屋之前都要睇埋D書先, 唔通買返黎唔睇就掉呀?

o車~ 有咁既心機坐定定睇? 咁不如砌埋D模型仲好啦, 成座山咁高...

咪住!! 都係唔好砌o勒! 擺多一排可能變古董都唔定, 炒得起!

炒?

 

算啦~ 都係返工算o勒..........................